Ima Christian—Akan Sụk Editetịn̄

KE INI ikan̄ akatade ufọk mmọ ke Trinidad, ubon Bartholomew ẹma ẹtaba kpukpru n̄kpọ ibọhọke uwem mmọ. Iman kiet oro okodụn̄de ekpere ama ekeme ndida mmọ nsịn ke ufọk, edi n̄kpọ iketreke do.

Olive Bartholomew edi kiet ke otu Mme Ntiense Jehovah, ndien mme andibuana ke esop oro enye abuanade—ọkọrọ ye mme esop oro ẹdude ke n̄kann̄kụk oro—ẹma ẹtọn̄ọ nditịp n̄kpọ man ẹda ẹbọp ufọk oro enye ye ubon esie ẹketabade. Ẹma ẹmek kọmiti ndise mban̄a utom edifiak mbọp oro, ndien ubọpn̄kpọ ama ọtọn̄ọ. N̄kpọ nte Ntiense 20, ke adianade ye ndusụk mbọhọidụn̄, ẹma ẹtiene ẹbọp. Mme uyen ẹma ẹkam ẹbuana, ke adan̄aemi mbon efen ẹkedude do ndinọ mfefere udia.

Nte ẹtọtde ke Sunday Guardian eke Trinidad, Olive ọkọdọhọ ete, “Idem enen̄ede akpa ubon mi. Mmọ idịghe Mme Ntiense, ndien idem ke osụk akpakpa ebe mi aban̄a se enye okụtde.”

Ke nditịn̄ ibio ibio mban̄a utom oro, anam ndutịm ubọpufọk oro ama ọsọn̄ọ etịn̄ ete ke mme utọ edinam oro ẹnen̄ede ẹdi se ẹdade ẹdiọn̄ọ ata Ido Ukpono Christ. Enye ọkọdọhọ ete: “Nnyịn isisan̄ake to ke ufọk sịm ufọk nditetịn̄ mban̄a ima kpọt. Nnyịn ke idomo ndinam se nnyịn ikwọrọde.”—John 13:34, 35.

[Ndise ke page 32]

Olive Bartholomew ye ebe esie