Enye Ama Afiak Esịne Mmọ N̄kpanuen

“SE NNUENUBỌK mi. Nte omokụt ukpụhọde ekededi?” Eren kiet ama osio ubọk esie owụt n̄wan kiet ekedide kiet ke otu Mme Ntiense Jehovah, ndien enye ama osụk enyịn ese onyụn̄ ọsọsọp okụt ke enye isịneke n̄kpanuen ndọ esie aba. Enye ama anam an̄wan̄a ete ke imọ ye n̄wan imọ ikekemeke ndidụn̄ ọtọkiet aba, ntre mmimọ ima ibiere ndisio ndọ. Ntiense oro ama ọdọhọ ete: “Baba! Bọ n̄wed emi kot. Enye ayan̄wam fi ke ndọ fo.” Ye oro, Ntiense oro ama ọnọ enye n̄wed oro ọkọn̄ọde ke Bible do Ifiọk Oro Adade Osịm Nsinsi Uwem.a

Ndusụk usen ke ukperedem eren oro ama afiak ebịne Ntiense oro ye inemesịt. Enye ama owụt Ntiense emi ubọk esie. Isan̄ enye emi enye ama esịne n̄kpanuen ndọ esie. Enye ama asian n̄wan oro ete ke imọ ye n̄wan imọ ima ikot n̄wed Ifiọk oro ndien ke mmimọ idahaemi imokop inemesịt etieti. N̄wed oro ke ata ata usụn̄ ama afiak esịne mmọ n̄kpanuen.

Item Bible ekeme ndin̄wam ebe ye n̄wan ndiwụt ata ima nnọ kiet eken. Emi edi ntre koro andiwet Bible idịghe owo efen ikan Andibot nnyịn, emi ọdọhọde ete: “Ami ndi Jehovah Abasi fo, emi n̄kpepde fi usụn̄ udori, nda fi usụn̄ eke afo edisan̄ade.”—Isaiah 48:17.

[Mme Ikọ idakisọn̄]