Nte Afo Oyokop Ntọt?

KE May 19, 1997, idio ama oyụt ke ikpehe obio Chittagong, Bangladesh. Ofụm oro ekekperede ndisọp ke kilomita 250 ke hour kiet ama ofụme ke obio Cox Bazaar. Ke mme obio-in̄wan̄, mme ufọk n̄kanya ikakam idụhe aba; ẹkekụt mbai ibibene ntan ke ebiet emi inikiet ko mmọ ẹkedude. Mme eto ye mme ọtọnọ urụk ukopikọ ẹma ẹduọn̄ọ; mbon eken ẹma ẹbụn̄ọ iba iba nte mme eto udaikan̄. Akpan ibuotikọ kiet ke n̄wedmbụk n̄kpọntịbe Bhorar Kagoj ama ọtọt ete ke idio oro ama owot owo 105.

Itieutom esede n̄kpọ aban̄a idaha eyo ama ọtọt aban̄a ebiet emi etiede nte afan̄ oyobio emi ke n̄kpọ nte hour 36 ke mbemiso. Nte eyịghe mîdụhe, ẹma ẹnyan̄a ediwak uwem nte ediwak tọsịn owo ke mme itie ikie ẹkedịbede ke itie ubọhọ idio oro ẹdade itiat ẹnam.

Ke se ibede isua ikie idahaemi, Mme Ntiense Jehovah ẹmetan̄a mbụk aban̄ade nsobo oro ekperede emi edikamade nsobo akan idio ekededi. Bible okot enye “akwa usen Jehovah emi enyenede ndịk.” (Joel 2:31) Ebede ke ndinam mme ntịn̄nnịm etop udụri owo utọn̄ oro ẹkụtde ke Bible, nnyịn imekeme ndibọhọ iyatesịt esie.—Zephaniah 2:2, 3.

Baba, Mme Ntiense Jehovah idịghe mme prọfet ẹmi ẹtan̄ade nsobo. Etop mmọ edi etop idotenyịn. Ọdọn̄ mmọ ndin̄wam mme owo ẹkpep n̄kpọ ẹban̄a Obio Ubọn̄ Abasi, emi edisọpde ndisio kpukpru ukwan̄ido mfep ke isọn̄. Ikọ Abasi, kpa Bible, asian nnyịn ete: “Osụk esisịt idiọk owo ididụhe: ndien ke afo etịn̄de enyịn ke ebiet esie, enye ididụhe. Edi mbon nsụkidem ẹyeda isọn̄ ẹnyene; ediwak emem ẹyenyụn̄ ẹnem mmọ esịt.”—Psalm 37:10, 11.

[Ebiet Ẹdade Ndise Ẹto ke page 32]

WHO/N̄ka Red Cross