Ẹma Ẹtoro “N̄wọrọnda” Mbono 

ỌNỌ etop ekebe ukopikọ kiet ke Lima, Peru, ama enyene ọkpọsọn̄ eyịghe aban̄a Mme Ntiense Jehovah. Ke ama okodụk kiet ke otu mbono district mmọ, nte ededi, edu esie ama okpụhọde akamba akamba. Ke akpanikọ, ama enen̄ede otụk enye tutu enye etịn̄ ndusụk nti ikọ ọnọ mme andikpan̄ utọn̄ nnọ enye ke ekebe ukopikọ. Se itienede mi ẹdi ekpri ubak otode se enye eketịn̄de:

“Mbono oro ekenen̄ede edi n̄wọrọnda. Ekpri ubak babru ndomokiet ikanaha ke isọn̄ anyam n̄kpọurua ikonyụn̄ idụhe. Otuowo ikasuanake iyọhọ ebiet. Owo 5,200 ẹkeka an̄wambre oro ke ubiatokụk idemmọ, kiet kiet akamade n̄kpọ mmọn̄, mbak ọfọn̄, n̄kpọ ukwọhọde n̄kpọ, n̄kpọ uwobi mbio, ayan̄, n̄kpọ utụk isọn̄, ikpaubọk, ye suọp ndida nyet nnyụn̄ ntụk itie oro. Ke itie okoyomde ndom mbakara, mmọ ẹma ẹbe ẹka ẹkeyet ndom mbakara. Ndien anie akada okụk oro edi? Mmọ ẹkeda ẹdi ke idemmọ! Ke ini ẹtọtde mmọ ẹban̄a se anade ẹnam, kpukpru mmọ ẹsịn ubọk ke ekpat inikiet inikiet ndinọ. Ndọhọ mbufo, Ufọkabasi Catholic ede idap ke edide edisịm utọ n̄kpọ oro. Nyom ndikọm Mme Ntiense Jehovah ye mme anditịm edinam emi. Ndien nyom ndidọhọ mmọ ke ofụri isọn̄ esịt mi nte, Yak Abasi an̄wam onyụn̄ ọdiọn̄ mbufo.”

Ke ikpọ obio ke ofụri ererimbot isua emi, Mme Ntiense Jehovah ẹyedara Mbono District “Usụn̄ Uwem Abasi.” Nte afo oyodu do?

[Ndise ke page 32]

“Ekpri ubak babru ndomokiet ikanaha ke isọn̄”