‘Mmọ Ẹdiọn̄ọ Uyo Esie’
“JEHOVAH edi andibọk mi.” Mmọemi edi mme ntọn̄ọikọ eke Psalm 23. N̄wed Abasi afiak emen Jehovah Abasi odomo ye ekpemerọn̄ ke profesi Isaiah, emi ọdọhọde ete: “Enye eyebọk ikọt esiemmọ nte ọbọk ufene: eyetan̄ nditọ erọn̄ ke ubọk esie, akama ke ikpanesịt esie, onyụn̄ ada mme ọnọ mmọn̄eba usụn̄.”—Isaiah 40:11.
Ukem ntre, ẹmen Jesus Christ ẹdomo ye ekpemerọn̄. Enye ọkọdọhọ ete: “Ami ndi eti ekpemerọn̄; eti ekpemerọn̄ ayak uwem esie ọduọk kaban̄a mme erọn̄.” (John 10:11) Jesus ọkọdọhọ ete ke “mme erọn̄ enyụn̄ ekop uyo [ekpemerọn̄]: ndien enye okot mme erọn̄ esiemmọ ke enyịn̄ ke enyịn̄, onyụn̄ ada mmọ ọwọrọ.” Enye ama adian do ete ke “mme erọn̄ ẹnyụn̄ ẹtiene [ekpemerọn̄], koro mmọ ẹdiọn̄ọde uyo esie. Edi mmọ iditieneke esenowo, edi ẹyefen̄e ẹkpọn̄ enye: koro mmọ mîdiọn̄ọke uyo isenowo.”—John 10:2-5.
Jehovah Abasi ye Eyen esie, Jesus Christ, ẹdu uwem ẹkekem ye uwụtn̄kpọ oro ẹwụtde ke mme itien̄wed eke enyọn̄ emi. Mmọ ẹnam n̄kpọ ye ndamban̄a erọn̄ mmọ ke mbọm ye ima ima ntịn̄enyịn. Nte utịp, mbon mbieterọn̄ ẹfiọk ke ẹma mimmọ, enyene ifụre, ẹnyụn̄ ẹbọ ukpeme.
Ẹmen itie ebuana emi nte enende ẹdomo ye eke ataata erọn̄ ye mme andikpeme mmọ. Ko ke isua 1831, John Hartley ama ewet se enye okokụtde ke afan̄ emi. Enye ama okụt nte ke ekedi ido ke Greece mme ekpemerọn̄ ndinọ mme erọn̄ mmọ enyịn̄. Ke ini ẹkotde ke enyịn̄, erọn̄ ẹsitiene uyo ekpemerọn̄. N̄kpọ nte isua 51 ke ukperedem, ke 1882, J. L. Porter ama etịn̄ ukem n̄kpọ oro. Enye ke idemesie ama okụt mme ekpemerọn̄ “ẹkotde . . . ke uyo inụk oro ẹmehede” emi mme erọn̄ ẹdiyerede ke nditiene mme ekpemerọn̄ oro ke nsụkibuot. Ke ukem isua oro William M. Thomson ama ewet aban̄a mme ndomonse oro ẹkenamde ndien ndien ndisọn̄ọ nte ke ẹkeme ndikpep mme erọn̄ nditiene mme ekpemerọn̄ mmọ nnyụn̄ ndiọn̄ọ uyo mmọ.
Nte ẹkụt san̄asan̄a itie ebuana emi ke ufọt mme ekpemerọn̄ ye mme erọn̄ mmọ ke ata ndondo emi? Ih. Ke nsiondi National Geographic eke September 1993, odomo-n̄kpọ nse owo Australia oro Robyn Davidson ama ewet se itienede mi aban̄a mme ekpeme ufene mbon Rabari ke ufọt edem edere ye edem usoputịn India ete: “Ekpemerọn̄ kiet kiet enyene isio isio uyo ikot, enyenede ukpụhọde etiene nte okotde. Ikot usenubọk odu ndinam mmọ ẹwọrọ an̄wa, ikot ndida mmọ n̄ka mmọn̄, ye ntre ntre eken. Owo kiet kiet ọfiọk erọn̄ esie, erọn̄ ẹnyụn̄ ẹfiọk mme andikpeme mmọ, ndien otuerọn̄ esie eyedianade ọkpọn̄ akwa udịmerọn̄ onyụn̄ ọwọrọ etiene enye ke edem ke usenubọk.”
Ye unana eyịghe, Jesus ama okụt se mbonisan̄ inan̄ oro ẹsụk ẹsiakde mi ẹketịn̄de. Se enye okokụtde aban̄a erọn̄ ndifiọk uyo esie ama anam uwụtn̄kpọ esie enyene se ọwọrọde akan. Nte afo edi kiet ke otuerọn̄ Jesus? Nte afo ọmọfiọk uyo esie onyụn̄ akpan̄ utọn̄ ọnọ enye? Edieke afo ọfiọkde onyụn̄ onyịmede mme ukpepn̄kpọ esie nte akpanikọ ndien edieke afo onịmde mme ewụhọ esie onyụn̄ etienede ndausụn̄ esie ke ndituak ibuot nnọ Jehovah, do afo emekeme ndikụt ima ima ye mbọm mbọm ukpeme Jehovah Abasi ye eke Eyen esie, Jesus Christ.—John 15:10.