“Ẹyak Ikam Ikot Ndusụk Efen Mbemiso Nnyịn Isak Nsahi”
ORO edi se owo kiet emi otode New Zealand ọkọdọhọde aban̄a Enyọn̄-Ukpeme, kpa magazine emi afo osụk okotde mi. Kaban̄a ibuotikọ kiet aban̄ade chariot Abasi eke enyọn̄ oro ẹtịn̄de ẹban̄a ke Ezekiel ibuot 1, owo oro ekewet ete:
“N̄kpọ uwem inan̄ ẹmi, m̀mê mme cherub ẹmi kiet kiet, ẹnyene mba inan̄ ye iso inan̄. Mmọ ẹnyene iso lion, owụtde unenikpe Jehovah; iso enan̄, adade ọnọ odudu Abasi; iso ntrukpom, owụtde ọniọn̄ esie; ye iso owo, adade ọnọ ima Jehovah.
“Ke mma n̄kokot emi mfiak n̄kot, mbọribọ ama omụm mi. Mmọn̄eyet ama asiaha mi ke enyịn, kpa mmọn̄eyet idatesịt. Se n̄kekerede ndondo oro ekedi, ‘Afo eye onyụn̄ ọfọn adan̄a didie ntem, Jehovah!’ Idem akpa mi aban̄a mbufa ekikere oro n̄kenyenede mban̄a Jehovah Abasi emi ami n̄kesidade nnam n̄kpọ nsahi ke ediwak isua, koro ndide owo ererimbot. Ami ndọhọ Mme Ntiense Jehovah nte ‘ẹsọsọn̄ọ-ọ,’ ndien ye ediwak oro ẹtiede nte ami, ndọhọ nte-o, ‘Ẹyak ikam ikot ndusụk efen mbemiso nnyịn isak nsahi.’”