Mmọ Ẹnam Se Mmọ Ẹkemede

Okposụkedi mîkemeke ndinọ Jehovah usiene ke kpukpru ufọn oro enye anamde ọnọ mmọ, ediwak owo ẹnam se mmọ ekemede ndin̄wam utom ukwọrọikọ ofụri ererimbot eke Mme Ntiense esie. (Matthew 24:14; men Mark 14:3-9 domo.) N̄kpọ ndemede udọn̄ ke emi edi leta otode ubon kiet ke Minnesota, U.S.A.:

“Ndima Nditọete,

“Nnyịn imọnọ enọ okụk edide $——. Nnyịn iben̄e ite ẹda ke ndin̄wam utom ofụri ererimbot m̀mê ẹda ke Okụk Ufọkmbono Obio Ubọn̄, m̀mê ke udọn̄ efen ekededi oro esop enyenede. . . .

“Nnyịn imenyene mbuọtidem nte ke ẹyeda okụk emi ẹnam n̄kpọ nte ekemde ye uduak [Jehovah]. Nnyịn ikpama ndida ifet emi nnọ nsịnudọn̄ nnyịn ite ẹkaiso ke eti utom, ndien akpan akpan ikọm mbufo ke ọkpọ umụm ndise video aban̄ade utom N̄ka [Watch Tower] ke ofụri ererimbot. Edi ọkpọ umụm ndise emi akanam nnyịn idiọn̄ọ iban̄a nte utom okponde, ndien enye ama esịn nnyịn ke esịt nte ke ẹyom enọ imaesịt nnyịn. Ke mbemiso, nnyịn ikesiyak esop, circuit, ye district ẹse ẹban̄a edinọ mme enọ esọk mbufo, edi nnyịn idahaemi imọkọm Jehovah ke ndime ime ye nnyịn ke unana nnyịn ndida n̄kụt n̄kpọ anyanusụn̄ nnyụn̄ n̄n̄wụt nnyịn ke ima ufọn oro odude ke nnyịn ke idem nnyịn ndin̄wam utom unyan̄a uwem emi ke okụk, ke adianade ye mme orụk enọ eken. Nnyịn imebiere, nte ubon, ndisinọ ke nsụhọde n̄kaha $——ke ọfiọn̄ ke ọfiọn̄ . . . nnennen edi New York.

“N̄ko, ẹsọsọn̄ọ ke eti utom oro mbufo ẹnamde ẹnọ nnyịn ye edinam akpanikọ nnọ Jehovah oro mbufo ẹwụtde.”