Nte Ọdọn̄ Fi Ndikụt Ini Emi . . .

◻ afo ekemede ndinyene ubọhọ ye ifụre ke ufọk fo​—inamke n̄kpọ m̀mê ini ewe ke usen?

◻ ukpọhọde, ukwak usịnusụn̄, n̄kanika unọ ntọt, ndudu unyụn̄ọ nse an̄wa, ọkọ, mbon ukpeme, ebua-ukpeme, ye mme n̄kpọ ukpeme eken mîdinyeneke ufọn?

◻ afo ekemede ndisan̄a ikpọn̄ ke mme efak ke mfọnmma ifụre, idem ke okoneyo?

◻ ndiọi n̄kpọsọn̄ ibọk ye mme mfịna ẹmi ẹsan̄ade ye mmọ ẹdidide sụk n̄kpọ eset?

◻ kpukpru ekọn̄ ẹdikụrede, owo mîdinyụn̄ ibotde n̄kpọekọn̄ m̀mê ndikọ mbon?

◻ afo mûdufịnake idem aba uban̄a udia, ofụm ye mmọn̄ ẹmi ẹsabarede?

◻ ẹdisiode edinam oyomonsia, edimụm owo ntem ke ubiọn̄, ye ndịk obom ẹfep ofụri ofụri?

◻ ẹdikpemede inyene isọn̄, ẹtịmde ẹnịm, ẹnyụn̄ ẹdade ẹnam n̄kpọ ọniọn̄. ọniọn̄ ke ufọn ofụri owo?

◻ idiọkitọn̄ ye ibụk mîdidịgke se inụkde ubonowo aba?

◻ nditọn̄wọn̄ mîdidiọn̄ọke se idiọkde ẹdinyụn̄ ẹkponode mbon en̄wen ye inyene mmọ?

◻ owo mîdifịkke inyụn̄ imia iban ufen?

◻ mbet ye ewụhọ ẹdifọnde ẹdinyụn̄ ẹnịmde ke edinen usụn̄ ke ufọn ofụri owo?

◻ ukara edinamde mme ubiere ẹmi ẹkọn̄ọde ke mme ata n̄kpọ oro ẹyomde inyụn̄ idịghe ke mbre ukara?

◻ owo mîdikwọrọke-kwọrọ uwọrọ ufịn ye edida ukem ukem kpọt edi ẹnamde-nam n̄ko?

◻ unana mîdidụhe aba, edi kpukpru owo ẹdinyenede se ededi oro ẹyomde kaban̄a nsọn̄idem, mfọnọn̄kpọ, ye inemesịt mmọ?

◻ ẹdiyomde-yom ẹnyụn̄ ẹse nditọn̄wọn̄ enyịn idịghe ndidedei n̄kama ke idiọk usụn̄ m̀mê ndifehe n̄kpọn̄?

◻ ẹdikande udọn̄ọ ye n̄kpa ubọk, n̄kpọsọn̄ nsịn̄ede mîdinyụn̄ idụhe aba?

◻ kpukpru owo oro afo osobode ẹdifọnde ido, ẹnọ un̄wam, ẹnyụn̄ ẹdi se ẹkemede ndiberi edem?

◻ ẹdinen̄erede ẹda uwem kpukpru owo ke ọsọn̄urua n̄kpọ, kpukpru owo ẹnyụn̄ ẹkemede ndinyene nsinsi inemesịt?

◻ ido ukpono mîdidịghe n̄kpọ oro ọtọde ubahade aba, adade okosụn̄ọ ke nsọn̄ido, usua, ye ekọn̄?

◻ kpukpru owo ẹdinyenede eti itieidụn̄ oro ekemde, unana ufọkidụn̄ edinyụn̄ edide n̄kpọ eset?

Edieke afo ekemede ndibọrọ ih ke ekededi ke se idude ke enyọn̄ emi, afo eyenyene udọn̄ ndikot mme ibuotikọ ẹtienede mi.