Ndi Afo Ayanam Uduak Jehovah?

Sọsọn̄ọ etieti nte adade ini odụn̄ọde ediye uduot ekpri n̄wed emi man emehe ye Mme Ntiense Jehovah, ekpep aban̄a se nnyịn isinamde, onyụn̄ okụt se esop nnyịn anamde. Imenịm ke n̄wed emi an̄wam fi ọfiọk ke nnyịn inam uduak Jehovah mfịn. Imesịn udọn̄ inọ fi ite aka iso ọkọ ifiọk Abasi, asian mbonubon fo ye mme ufan fo se afo ekpepde, onyụn̄ odụk mme mbono esop Christian nnyịn kpukpru ini.—Mme Hebrew 10:23-25.

Afo oyokụt ete ke adan̄a nte afo ekpepde n̄kpọ aban̄a Jehovah, ntre ke afo edikụt adan̄a nte enye enen̄erede ama fi. Emi oyonụk fi anam ofụri se ekekeme man owụt ke imọ imama enye n̄ko. (1 John 4:8-10, 19) Edi didie ke afo ekeme ndiwụt ke imama enye kpukpru usen uwem fo? Ntak emi afo nditiene nti edumbet esie edide ke ufọn fo? Nso idin̄wam fi etiene nnyịn anam uduak Abasi? Owo emi esikpepde fi Bible oyokop inemesịt ndin̄wam fi oyom mme ibọrọ mbụme emi man afo ye ubon fo ẹkeme “[ndinịm] idem mbufo ke ima Abasi, . . . ye idotenyịn ndinyene nsinsi uwem.”—Jude 21.

Imesịn udọn̄ inọ fi ite aka iso anam n̄kọri ke usụn̄ akpanikọ ke ndikpep n̄wed enye emi . . .