Mbemiso Ikọ

Mme Ibọrọ Oro Ẹnyenede Ufọn!

‘Didie ke n̄keme ndinyene nneme ye ete ye eka mi?’ ‘Didie ke n̄keme ndinyene mme ufan?’ ‘Nso idiọk edieke owo anamde idan̄ nte amama?’ ‘Ntak emi nsifụhọde ntem?’

Edieke edide emesibụp idemfo mme utọ mbụme emi, fiọk ete ke idịghe afo ikpọn̄ esibụp. Ekeme ndidi ebiet oro akakade okoyom ndausụn̄ ye mbon oro okobụpde ẹkedi ẹtetịn̄ ẹsịn ẹtetịn̄ ẹsio. Man n̄kparawa owo ẹnyene nti item emi mmọ ẹkemede ndiberi edem, ẹma ẹtọn̄ọ ndisiwet ibuotikọ oro ẹkotde “Young People Ask . . . ” (N̄kparawa Owo Ẹbụp) ke Awake! eke January 1982. Ẹda Bible ẹtịm mme ibuotikọ emi. Ediwak isua ẹbe idahaemi, edi mme owo ẹsụk ẹbọbọ ufọn ẹto mme ibuotikọ emi. Ẹsinen̄ede ẹnam ndụn̄ọde mbemiso ẹwetde ibuotikọ kiet kiet. Ke nditịm ntịn̄, mme andiwet Awake! ẹsinyene nneme ye ediwak uyen ke ofụri ererimbot man ẹfiọk nte n̄kparawa owo ẹsikerede n̄kpọ ye nte esitiede mmọ ke idem. Ata akpan n̄kpọ akam edi ke ẹda item oro ẹnọde ke ibuotikọ oro “N̄kparawa Owo Ẹbụp” ẹto Ikọ Abasi, kpa Bible.

Ẹma ẹbebem iso ẹsio n̄wed oro afo akamade mi ke 1989. Nte ededi, ẹkpụhọ ata ediwak n̄kpọ ke n̄wed emi man ekekem ye mme mfịna oro ẹsobode mfịn. Ẹda se ibede ibuot 30 ẹto mme ibuotikọ “N̄kparawa Owo Ẹbụp” oro ẹkewetde ọtọn̄ọde ke 2004 esịm 2011.

Mme Mbụme Oro N̄kparawa Owo Ẹbụpde—Mme Ibọrọ Oro Ẹnyenede Ufọn, Eboho 1, ayasian fi se akpanamde man akabade edi akwa owo emi enyenede mbufiọk. Imenịm ke ama anam item oro ẹnọde ke n̄wed emi, eyetiene ediwak miliọn owo—n̄kpri ye ikpọ—‘ọnọ ukeme ufiọk n̄kpọ fo ukpep ke ndida enye nnam n̄kpọ man ọdiọn̄ọ se inende ye se ikwan̄ade.’—Mme Hebrew 5:14.

Mme Andisio