Owo Emi Ekpekpebede​—Moses

Moses ekpekekeme ndinam ekese n̄kpọ ke uwem. Ẹkebọk enye ke ufọk ubọn̄ Pharaoh ẹnyụn̄ ẹkpep enye ofụri ọniọn̄ Egypt. (Utom 7:22) Nso ke enye akada ukpep emi anam? Enye ọkpọkọwọrọ etop, enyene okụk, onyụn̄ akama akamba itie ke obio. Edi enye ikayakke mbon en̄wen ẹbiere se enye edinamde ikonyụn̄ iyakke idem inọ idiọk udọn̄. Utu ke oro, enye ekemek ndinam n̄kpọ emi anade edi ama akpa ediwak owo idem. Enye ekemek “nditiene ikọt Abasi mbiom ukụt.” (Mme Hebrew 11:25) Ndi Moses ama atua n̄kpọfiọk aban̄a se enye ekemekde emi? Baba. Sia enye ekemekde ndinam n̄kpọ Abasi ndinyụn̄ n̄n̄wam mbon en̄wen, enye ama okop inem uwem.

Edieke edide amaka n̄wed, nso ke edida ifiọkn̄wed fo inam? Emekeme ndisịn ibuot nsịn itọn̄ nyom okụk ye akamba itie ke obio. Mîdịghe, emekeme ndikpebe Moses ke ndida uwem fo nnam n̄kpọ emi enen̄erede enyene ufọn. Emekeme ndida ifiọk ye inyene fo nnam n̄kpọ Abasi nnyụn̄ n̄n̄wam mbọhọidụn̄ fo. (Matthew 22:35-40) Idụhe n̄kpọ en̄wen emi ekemede ndinọ fi inemesịt ntre!