Mmọ Ẹma Ẹkop Uyo Satan—Ndien Nso Ikedi Utịp?

Adam ye Eve ikokopke uyo Abasi, ntre mmọ ẹma ẹkpan̄a. Genesis 3:6, 23

Eve ama okop uyo urụkikọt onyụn̄ adia mfri eto oro. Ekem, ọnọ Adam, enye onyụn̄ ọbọ adia.

Se mmọ ẹkenamde ikọfọnke—idiọkn̄kpọ ke mmọ ẹkenam oro. Abasi ama ebịn mmọ osion̄o ke Paradise oro mmọ ẹkedụn̄de.

Uwem ama ọsọn̄ ye mmọ ye nditọ mmọ. Mmọ ẹma ẹsọn̄ ẹnyụn̄ ẹkpan̄a. Mmọ ikakaha obio mme spirit; mmọ ikodụhe aba.

Mme akpan̄kpa ẹtie nte ntan, inyeneke uwem. Genesis 3:19

Nnyịn ikpan̄a sia kpukpru nnyịn idi nditọ Adam ye Eve. Mme akpan̄kpa ikemeke ndikụt m̀mê ndikop m̀mê ndinam n̄kpọ ndomokiet.—Ecclesiastes 9:5, 10.

Jehovah ikoyomke mme owo ẹkpan̄a. Idibịghike, enye ayanam mme akpan̄kpa ẹset. Edieke mmọ ẹkopde uyo esie, mmọ ẹyedu uwem ke nsinsi.