Owo Emi Ekpekpebede​—Asaph

Uwem imemke ye Asaph. Enye okụt nte kpukpru mbon oro ẹdude ẹkanade enye ẹbiatde ibet Abasi, edi etie nte owo inọhọ mmọ ufen! Emi anam Asaph ekere m̀mê ufọn odu imọ ndisụk n̄ka iso nnam se inemde Abasi esịt. Enye ọdọhọ ete: “Ke ­akpanikọ edi ke ikpîkpu ke nnam esịt mi asana nnyụn̄ nyet ubọk mi ndiwụt ke nduehe.” Edi ke Asaph ama ­ekenen̄ede etie ekere n̄kpọ emi, enye okpụhọ ekikere. Enye edikụt ke inemesịt ekededi oro ndiọi owo ẹkopde isibịghike. Nso ubiere ke Asaph esịm? Enye ọkwọ ikwọ ọnọ Jehovah onyụn̄ ọdọhọ ete: “Baba owo en̄wen ke isọn̄ . . . inemke mi esịt nte afo.”​—Psalm 73:​3, 13, 16, 25, 27.

Ekeme ndidi emesikere ndusụk ini m̀mê ufọn odu ­ndidu uwem nte Abasi etemede. Edi nam nte Asaph; ­kûse n̄kpọ emi enyọn̄ enyọn̄. Kere ban̄a nte n̄kpọ etiede ye mbon oro mînịmke ibet Jehovah. Ndi mmọ ẹnen̄ede ẹnyene emem? Ndi mmọ ẹnyene inemesịt emi mbon oro ẹnamde akpanikọ ẹnọ Abasi mînyeneke? Ke ama eketịm ekere n̄kpọ emi, eyịghe idụhe ke afo eyetịn̄ se Asaph ­eketịn̄de ete: “Ọfọn mi ndisan̄a n̄kpere Abasi.”​—Psalm 73:28.