Owo Emi Ekpekpebede​—Ubuene Ebeakpa

Jesus ke ese nte mbon inyene ẹsịnde okụk ke n̄kpọ usịn okụk temple. Enye okụt ubuene ebeakpa kiet ke otuowo oro nte esịnde “okudọk okụk iba, emi edide ata ekpri okụk.” (Luke 21:2) Jesus otoro enye ke ntatubọk esie. Ntak emi okotorode enye? Sia mbon eken “ẹkesio n̄kpọ ke nyọhọ-nsụhọ mmọ ẹsịn, edi enye, ke unana esie, ekesịn kpukpru se enye enyenede, kpa ofụri se enye akpadade odu uwem.”​—Mark 12:44.

Ndi se n̄wan emi akadade nte akakan n̄kpọ edi akpan n̄kpọ ọnọ fi? Ndi emenyịme ndida ini ye okụk fo nnam n̄kpọ Abasi? Ukem nte ubuene ebeakpa oro, afo emekeme nditiene ntịp okụk man ẹda ẹse ẹban̄a mme itie utuakibuot. Emekeme n̄ko ndida ini ye okụk fo n̄n̄wam mbon en̄wen ẹkpep n̄kpọ ẹban̄a Jehovah Abasi. Jehovah ama okụt ekpri okụk emi ebeakpa oro ọkọnọde ẹda ẹnam utom Esie, esịt ama onyụn̄ enem Enye. Esịt eyenem Abasi, enye oyonyụn̄ an̄wam fi edieke adade edinam uduak esie nte ata akakan n̄kpọ ke uwem fo.​—Matthew 6:​33.