Ntọn̄ọ N̄wed

Edima Andikot:

Enyene-ọniọn̄ Edidem Solomon ekewet ete: “Akparawa [m̀mê n̄kaiferi], dara ke uyen fo, yak esịt fo onyụn̄ enem fi ke mme usen emi afo edide akparawa, nyụn̄ tiene usụn̄ emi esịt fo amade ye mme n̄kpọ emi enyịn fo okụtde.” (Ecclesiastes 11:9) Uwem esinem etieti onyụn̄ akama nduaidem ke ini uyen, ndien nnyịn imoyom afo okop inem uwem. Edi nnyịn isịn udọn̄ fi ite okop inem uwem ke usụn̄ oro enemde Jehovah Abasi esịt. Kûdedei ufre ke enye ke okụt nte afo odude uwem, oyonyụn̄ ada oro ekpe ikpe ọnọ fi. Ntem, enen̄ede ọfọn anam item en̄wen oro Solomon ọkọnọde ete: “Ti Akwa Andibot fi ke ini afo edide akparawa.”—Ecclesiastes 12:1.

Nnyịn inen̄ede ibọn̄ akam ite yak se idude ke n̄wed emi an̄wam fi ọsọn̄ọ ada ke ini osobode mfịghe ye mme idomo oro mme uyen ẹsobode mfịn onyụn̄ owụt fi nte ekemede ndinam mme ubiere oro ẹkemde ye uduak Abasi. Afo ayanam esịt Jehovah adat edieke ayakde n̄wed emi an̄wam fi.—Mme N̄ke 27:11.

Otu Ukara eke Mme Ntiense Jehovah