Mme Ufan Abasi Ẹnam Se Ifọnde

Ke ini afo enyenede ufan emi afo amade onyụn̄ okponode, afo oyodomo nditie nte enye. Bible ọdọhọ ete ke “Jehovah ọfọn onyụn̄ enen.” (Psalm 25:8) Man idi ufan Abasi, ana nnyịn ifọn inyụn̄ inen. Bible ọdọhọ ete: “Ẹdi mme andikpebe Abasi, nte ndima nditọ; ẹnyụn̄ ẹsan̄a ke ima.” (Ephesus 5:1, 2) Ndusụk usụn̄ ndinam oro ẹdi ẹmi:

N̄wam mbon efen. “Ẹyak nnyịn ifọn ido ye kpukpru owo.”—Galatia 6:10.

Nam utom ọkpọsọn̄. “Owo eke esiyịpde inọ, okûyịp aba; edi yak enye akam anam ọkpọsọn̄ utom, ada ubọk esie anam eti utom.”—Ephesus 4:27, 28.

Sana ke ikpọkidem ye ke ido uwem. “Ẹyak nnyịn iyet kpukpru se isabarede obụkidem ye spirit ifep ke idem nnyịn, inam nti ido nnyịn ẹfọn ẹma ke edibak Abasi.”—2 Corinth 7:1.

Nam n̄kpọ ye mbonubon fo ke ima ye ukpono. “Yak owo kiet kiet ama n̄wan esiemmọ nte amade idem esie: n̄wan onyụn̄ eten̄e ebe esie. Nditọ, ẹkop uyo mme ete ye mme eka mbufo.”—Ephesus 5:33–6:1.

Wụt ima nọ mbon efen. “Ẹyak nnyịn ima kiet eken; koro ima oto Abasi.”—1 John 4:7.

Sụk ibuot nọ mme ibet obio. “Kpukpru owo ẹsụk idem ẹnọ [ukara] . . . Ẹnọ kpukpru owo se idide udeme mmọ: ẹda utomo ẹnọ mmọ ẹmi ẹkpebọde utomo.”—Rome 13:1, 7.