Xomi Ijine Jë Koi Akötresie

Troa tro loi la mele i epun, e tro epuni a xomi ijine koi epun me Akötresie. Maine tro epuni a kuca tun, ke tro lai a tro loi la imelekeu i epun me Akötresie. Pane wange ju cahu itre hnei Iesu hna qaja göne lai.

Hnei Iesu hna qaja ka hape

“Madrine la itre ka atrehmekune laka, nyipiewekë Akötresie koi angatr.”—Mataio 5:3.

• Easë asë hi a pi atre ka hape: Nemene la aliene la mel? Hnauëne la easa akötr? Nemene la ka traqa la easa mec? Madrine catre së, e tro sa atre la hna qaja göne la itre hnyinge cili.

“Tha tro kö la atr a mel hnei falawa hmekuj, ngo hnene la nöjei trengewekë hna qaja hnei Iehovaa.”—Mataio 4:4.

• Emele së la tro sa xen, ketre tun, loi e tro sa xen la xeni qaathei Iehova Akötresie. Hnei Iesu hna qaja ka hape, loi e tro pala hi sa acatrene la imelekeu së me Akötresie.

“Trengewekë i nyipë la nyipici.”—Ioane 17:17.

• Hnei Iesu hna öhne laka, ame la ka troa acatrene la imelekeu së me Akötresie, ke ene la Trengewekë i Nyidrë, Tusi Hmitrötr.

Eahuni a ithuecatr koi epun troa xomi ijine koi epuni me Akötresie, me catr acatrene la imelekeu i epun me Nyidrë. Hane hi cahu itre xaa ewekë ka troa xatua epun:

• E jë la Tusi Hmitrötr ka pë thupen.

• Sipone jë troaporotrikë Tusi Hmitrötr ka pëkö thupen, memine la ketre atre hamë ini.