Hamëne Jë La Itre Mekun Ka Ithuecatr

Ame ngöne la ijine icasikeu, ijiji easë troa acatrene la lapaune la itre trejin, jëne la itre mekun hne së hna hamën. (Heb. 10:​24, 25) Matre tro sa hnëkëne tune kaa la itre mekun ka ithuecatr?

• Thithi jë koi Iehova. Sipo Nyidrëti jë troa xatua eö troa hnëkën la ketre mekun ka troa atrunyi Nyidrë, me ithuecatr koi itre xan.​—Sal. 35:18.

• The e kö la hna makën ngöne la itus. E tro eö a qaja la itre mekun, me lapaune i ö ngöne la sipu aqane ithanata i ö, ke tro lai a ketr la hni ne la itre ka dreng.

• Ahopatrëne ju la itre mekun hnei ö hna hamën. Ka ithuecatre kö la itre mekun ka hopatr, nge ka hmaloi troa trotrohnin. Nge kolo fe a aijijëne la itre xan troa sa.​—It. Ed. 10:19.

• The iameköti kö la eö a hamë mekun. Tha ijin tro kö lai a hamë eamo maine amekötine pena la ekalesia, maine ketre trejin.

Ngacama tha ase kö nue eö troa hamë mekun, ngo ijiji ö troa ithuecatr koi itre xan. Drenge hnyawa ju la itre mekun hnei angatr hna hamën, nge e thupen, qaja jë koi angatr la ka ketri ö.​—It. Ed. 10:21.