Lapa Mekune Jë La Itre Hna Melën e Hnine La Tusi Hmitrötr

Tru catr la itre ini nyine tro sa xom qa ngöne la itre hna melën ngöne la Tusi Hmitrötr. Ame la easa lapa mekun la itre hna melëne cili, canga saqe hi së trotrohnine la hne së hna e, me xomi ini qa ngön. Nemene la ka troa xatua eö?

• E catrëne jë la hna melën. Ame la eö a e catrëne la Tusi Hmitrötr, ke tro lai a tro mama koi eö la ewekë ka traqa. Maine tro epun fami a isatrën la itre ka ithanata, troa lualai koi epun lai hna melën e hnine la Tusi Hmitrötr.

• Mekune jë la itre ewekë ka traqa. Thele jë troa trotrohnine la aliene hni, me itre mekun ne la itre atr. Matre pane hnyinge jë ka hape: ‘Hnauëne la angeic a qaja maine kuca la ewekë cili? Maine eni ju ke, nemene la hnenge hna troa mekun?’

• Kuca jë la ketre desë. Maine tro eö a desëne la itre hna melën, tro lai a xatua eö troa mekun itre ej me hnehen, ngacama tha ka za kö la desë i eö.