Huliwa Hna Eatrëne Hnei Uati Hmitrötr

Qaane ekö, hnene la itre hlue i Akötresie hna kuca la itre huliwa ka tru. Tha hnene kö la atreine i angatr, ngo hnene la ixatua i Iehova. Ame lo 1954, hna kuca lo film hna hape, Huliwa Ne La Société Fene Ka Hnyipixe. Ngacama thatreine kö la itre trejin ne la Bethela kuci film, ngo hna atreinë angatr hnene la uati hmitrötr. Kolo hi lai a amamane ka hape, e tro sa mejiune koi Iehova, tro sa eatrëne la itre hnëqa së.—Za 4:6.

GOEËNE JË LA VIDEO HNA HAPE, AQANE KUCA LA FILM “HULIWA NE LA SOCIÉTÉ FENE KA HNYIPIXE,” NGE SA JË CAHU ITRE HNYING:

• Pine nemene matre kuca jë la ketre film ka qaja la hnalapa ne xomi meköt?

• Hnauëne la kola aceitunëne la Bethela memine la ngönetrei atr?—1Ko 12:14-20

• Nemene la ka ajolë angatr la kola kuca la film, nge tune kaa la aqane elë hune angatr?

• Nemene la ini hne së hna xom göne la uati hmitrötr?