Nemene La Ewekë Ka Tru Koi Ni?

Hnei Iakobo hna ikuië memine la angela matre troa kapa la ketre ewekë ka nyipiewekë catr, ene la manathithi qaathei Iehova. (Gen. 32:24-31; Hos. 12:3, 4) Tune kaa fe easë? Easë kö a isine troa drengethenge Iehova, me kapa la manathith qaathei Nyidrë? Nemene la hne së hna troa kuca, e kola upi së troa huliwa i maseta, nge ijine icasikeu? Ame la easa hamëne koi Iehova la traem, me trengecatre së, memine la hne së hna hetreny, tre, Nyidrëti a “nenge hui [së] la manathithi uti hë atraqate cat.” (Mal. 3:10) Tro Nyidrëti a ce me easë, me thupë së, me hamëne la ka nyipiewekë.—Mat. 6:33; Heb. 13:5.

GOEËNE JË LA VIDEO HNA HAPE, TROA WANGATRUNE LA ITRE AJA SË NGÖNE LA HULIWA I AKÖTRESIE, NGE SA JË CAHU ITRE HNYING:

• 

  Nemene la aqane tupath la trejin hnene la ketre ewekë hnei angeic hna hnin?

• 

  Pine nemene matre ketre itupath koi së la maseta?

• 

  Pine nemene matre nyipiewekë tro Timoteo a wangatrun la itre aja i angeic ngöne la huliwa i Akötresie, ngacama ketre keresiano ka macaje hë angeic?—1 Tim. 4:16

• 

  Nemene la nyine tro sa kuca matre troa mama la “huliwa ka sisitria” koi së?