Troa Qeje Nemen Gön La Itre Zonal

La Tour de Garde 1 Diseba

“Easë mina ha melëne lo ijine kola pane atrune hnene la itre atr ka ala nyimu la ijine mala i Iesu, thenge la aqane trotrohnine angatr la hna qaja hnei Tusi Hmitrötr. [E jë la Mataio 2:1, 11.] Hapeu, öhne hë epuni la eisapengönene la hna qaja hnei Tusi Hmitrötr, memine la hna majemine kuca hnei atr? [Nue pi troa sa.] Kola qeje pengöne hnyawa hnene la hna cinyihane celë la aqane trongene la itre ewekë, tune hi lo aqane traqa la ijine cili ekö.” Amamane jë la hna cinyihane ngöne la götrane 31.

Réveillez-vous! Diseba

“Eni a pi atre la mekuna i epun göne la ketre ewekë hna qaja hnei Iesu ekö. [E jë la Mataio 5:3.] Pine laka nyimutre la itre pengöne hmi enehila, hapeu, tro kö sa iëne la hmi ka troa aejëne la itre aja së ngöne la ua? [Nue pi troa sa.] Kola amamane hnene la hna cinyihane celë la hna qaja hnene la Tusi Hmitrötr göne la jëne tro sa kapa la nyipi manathithi ngöne la ua.” Amamane jë la hna cinyihane ngöne la götrane 12.

Réveillez-vous! 1 Januare

“Isazikeu catre la itre mekuna ne la itre ka hmi göne la troa iji la ka haitr. Ame koi epun, tre, nemene la hnei Akötresieti hna mekun e tro la ketre atr a iji ka haitr? [Nue pi troa sa.] Ngacama kola qaja hnene la Tusi Hmitrötr, ka hape, hnei Iesu hna saze la tim matre waina pi, ngo hanawange fe la ketre mekune hna qaja hnene ej. [E jë la Ite edomë 23:20a.] Kola amamane hnene la zonale celë la aqane waiewekë ka lolo hna hamëne hnene la Tusi Hmitrötr.”

Réveillez-vous! Januare

“Ame ngöne la itre hnedrai së ka akötr, tre, tru pala ha la huliwa ne la itre atr, nge nyimutre mina fe la itre ka kucakuca hnene la itre jol. Tune kaa fe epun? [Nue pi troa sa.] Hanawange la eamo celë ka lolo. [E jë la Ate Cainöj 4:6.] Kola amamane hnene la zonale celë la aqane tro sa atreine tulu ewekë ngöne la huliwa me ngöne la hnepe lapa, me ngöne la itre nyine iamadrinë. Eje mina fe a hamë ixatua thatraqane la itre ka thele huliwa.”