Itre Alien
WIIK NE 1-7 OGAS 2016
3 Iehova La Atre Xupi Inege Ka Tru
WIIK NE 8-14 OGAS 2016
9 Nue Iehova Jë Troa Xome Ameköti Së
Ame la atre xupi inege, angeic a xupexupe hnyawane la dro ka fedr nyine kuca la itre inege ka mingöminge catr. Ame ngöne la lue tane mekune celë, tro sa ce wange la kepine matre Iehova hi la Atre Xupi Inege Ka Tru, memine la nyine tro sa kuca matre tro pala hi sa ceitu me dro ka fedr.
WIIK NE 15-21 OGAS 2016
15 “Ame Iehova Akötesi Shë, Te, Iehova Ka Cas”
Nemene la aliene la hna hape, “Iehova ka cas”? Nemene la aqane tro lai a xatua së göne la aqane imelekeu së me Iehova memine la itre trejin? Ngacama easë a isa xulu qa ngöne la itre nöje ka nyimutre, ngo nyipi ewekë tro sa atre la hnei Iehova hna thele the së, matre troa nyihlue i Nyidrëti hnyawa, lo “Akötesi shë.”
WIIK NE 22-28 OGAS 2016
Ka ngazo asë hi la itre atr, matre tro pala hi a hetre atr hna akötrën. Haawe, tro kö së a thixötr e traqa jë ketre qaja maine kuca la ketre ewekë ka akötrë së? Ame ngöne la tane mekune celë tro sa ce ithanatane la itre hna melën qa hnine la Tusi Hmitrötr ka troa xatua së.