Itre Ifile Ne Nyi Ie Ekö

Atre hi la itre ka e Tusi Hmitrötr ka hape, ame la itre xaa atre drei Iesu, ke ka nyi ie. (Mar. 1:​16-20) Ame la angatr a nyi ie ngöne la Hnagejë e Galilaia, ke angatr a huliwane la itre ifile.

Kola sile la itre ifele hnei eno maine eno lino. Ame la itre gaa xulun, ke hna kuca hmekun la etrune la itre ie hna pi ea. Hna hnöthe la itre wene plombs maine etë ngöne la itre neköi ifile (ka tune la epervier), matre tro ej a lö. Nge ame la itre ifele ka tru, hna hën ka hape, senne, ke ka hetre poids e kuhu fen matre tro ej a lö, ngo itre bouchon maine sinöe e koho hun matre tro kö la götrane cili a manij.

Ka tru thupen la itre ifile. Ijije hi troa zezeny itre ej hnene la itre etë e kuhu hnine la tim, maine hnei itre i. (Luka 5:6) Kola amaman hnene la ketre xötr ne la Tusi Hmitrötr ka hape, Iakobo me Ioane a “nyihnyawa ifile” jëne la ketre itheny me eno lino. (Mat. 4:​21) Maine jë, itre ka nyi ie a nyihnyawan itre ej thupen la angatr a elë qa kuhu hnagejë. Ame ngöne la ketre xötr ne la Tusi Hmitrötr, kola qaja la itre ka nyi ie a ‘nyidrawane la itre ifile’ i angatr. (Luka 5:2) Kola nyidrawane la itre ifile, matre hule la dro me itre ewekë ka ijoli ngöne itre ej. E thupen, itre ka nyi ie a jöne la itre ifile matre troa weliwel hnyawa, nge tha tro kö a hnyiqetr.​—Ezek. 47:10.

Hnei Iesu hna hëne la itre trahmany ka majemin nue ifile troa “thele atr.”