Tui Manaen, Amë Panëne Jë La Itre Huliwa i Iehova

Manaen la ketre trejin trahmanyi ka elemekene la ekalesia ne Anetioka ngöne la hneijine la itre pane keresiano. Hnei nyidrë hna “ce ini me Herodra joxu.” (It. Hu. 13:1) Matre ketre atr ka inamacan, nge maine jë ka trene mani la fami angeic.

Ngo tha cile kö Manaen troa xome la hmi keresiano, me xatuane la ekalesia. Tha hnei angeice kö hna huliwane la atreine i angeic, maine aqane hlemu i angeic, matre troa pi mama ngöne la ekalesia. Hnei angeice pe hna nyihluene la itre trejin.

Kola amamane hnene la tulu i Manaen laka, ame la ka sisitria ke, troa nyihlue i Iehova. The thele kö troa hlemu ngöne la fene celë. Tui Manaen, amë panëne jë la itre huliwa i Iehova, nge pine pë hë la itre huliwa së ngöne la fen. (Mat. 6:​33) Ketre, ngacama ka nyipiewekë la ini, ngo loi e tro sa “tuluthe la ka nyipiewekë” matre tha tro kö la itre ewekë ne la fen a sewe së troa nyihlue i Iehova.​—Fil. 1:​9, 10.