MELE NE KERESIANO
Acatrene Jë La Lapaune i Epun Kowe La Trengewekë i Akötresie
Ijije hi tro la Tusi Hmitrötr a saze la mele së. (He 4:12) Ngo tro sa kepe thangane qa ngöne la itre eamo me itre trepene meköti Akötresie, e xecie koi së laka, “trengewekë” i Nyidrëti hnyawa hi la Tusi Hmitrötr. (1Th 2:13) Tune kaa la aqane tro sa acatrene la lapaune së kowe la Tusi Hmitrötr?
E jë la Tusi Hmitrötr e nöjei drai. Ame la epuni a e, thele jë la itre ewekë ka amamane ka hape, Akötresie la Atrekë Ewekëne la Tusi Hmitrötr. Ame la epuni a e la tusi Ite Edomë, goeëne ju la enyipiewekëne la itre eamo koi së enehila.—Ed 13:20; 14:30.
Troa ini Tusi cas. Thele jë la itre ewekë ka amamane ka hape, qaathei Akötresie la Tusi Hmitrötr. Ame ngöne la Nyine Thele Mekune Ne La Itretre Anyipici Iehova, tro jë ngöne la götrane “Tusi Hmitrötr” fene la hna hape, “Qaathei Akötresie.” Maine epuni a ajan troa acatrene la lapaune i epun laka, tha saze kö la maca qa hnine la Tusi Hmitrotr, wange ju la appendice A3 ne la Tusi Hmitrötr Traduction du monde nouveau.
GOEËNE JË LA VIDEO HNA HAPE HNAUËNE LA EASA LAPAUN . . . KOWE LA TUSI HMITRÖTR, NGE SA JË CAHU ITRE HNYING:
Hna jelenyipicine tune kaa la Tusi Hmitrötr hnene la hna öhne ngöne la uma ne hmi e Karnak (Aigupito)?
Easa atre tune kaa laka, tha saze kö la maca ne la Tusi Hmitrötr?
Nemene la ka amamane ka hape, ewekë i Akötresie la Tusi Hmitrötr?—E jë la Isaia 40:8