Itre Aqane Huliwane La Itus Gojenyi Kowe La Nyipi Mel!

Madrine kö epun kowe la itre video memine la itre hnying ka mama ngöne la itus Gojenyi Kowe La Nyipi Mel! ? Nge, nemene la mekuna i epun göne la itre götran, tune la hna hape, “Hne Së Hna Majemine Dreng,” me “Nyine Tro Ni a Eatrën,” me “Itre Xaa Nyine Wang”? Nemene la itre xaa aqane ka troa xatua epun troa ini Tusi me ketre?—Ma 28:19, 20.

Ka mama ngöne mobilis maine tablet: Maine epuni a ajane troa huliwan la itus ngöne pepa, nemene la aqane tro epuni a kuca, matre goeëne la itre video, me itre xaa ka mama ngöne tablet? Ame ngöne tablet maine mobilis, iëne jë la cas qa ngöne la foa lao götran. Nge ame pala ha e kuhu fen ne la itre meken, hetrenyi la ketre gojeny ka troa tro sai epun kowe la ketre götran. Hna xawane e cili, la itre video me itre xaa itus ne la götrane hnei epun hna iën. (Wange ju la iatr 1.)

Saze koi “Mode Image”: Maine epuni a ini Tus memine la ketre atr jëne tablet, tro epuni lai a ajan e itre xaa ijin, troa saze koi “Mode Image.” Ame e koho hune la ketre meken, ngöne la hnë ithel, huje ju la köni neköi point, nge tro jë kowe la hna hape, “Mode Image.” Ketre aqane eköthe lai ka troa xatua së troa öhne la itre mekun ka ce tro memine la tane mekune ka tru ne la meken. Maine epuni hmaca pi bëek, huje hmaca ju lo köni neköi point, nge iëne ju lo hna hape, “Mode Texte.” Maine pena huje ju la neköi rond ka violette ka mama e kuhu fen.

“Ijijinge Kö?”: Hna amë e kuhu pun lai itus la itre hna eköhagene celë, ka amamane la nyine troa kuca matre cainöj memine la ekalesia me xomi bapataiso. (Wange ju la iatr 2.)

Ithuemacany: Ame e hnine la itusi epun ngöne tablet, ke hetreny la itre ithuemacany. Itre ej a qatreng la itre xaa hna qejepengön göne la itre mekun ka sisitria. Ame ngöne la pune la ketre ithuemacany, hetreny la ketre gojeny ka troa tro xomi epun kowe la mekene hnei epun hna wang. (Wange ju la iatr 2.)