Ka Hnëkë Kö Eö e Traqa Ju Gomegome La Nöj?

Kola easenyi catre la pun matre tha tro kö sa sesëkötre laka, hetre gomegom, me terroriste, me itre isi ngöne la nöje së. (Ama 6:4) Tro sa hnëkë tune kaa kowe la itre jole cili?

• Loi e tro sa acatrene la aqane imelekeu së me Iehova: Fejane ju la itre trepene meköt me itre hna melëne qa hnine la Tusi Hmitrötr, ka acatrene la lapaune i epun koi Iehova me kowe la organizasio i Nyidrë, nge ka xatua epuni troa iananyi memine la politik. (Ed 12:5; jr-F 125-126 par. 23-24) Ketre, ijine hi la tro sa acatrene la ihnimi së kowe la itre trejine ne la ekalesia.—1Pe 4:7, 8

• Loi e tro sa hnëkë hnyawa: Hnëkë xen jë, e traqa ju umë epun ngöne la hnalapa i epun. Mekune jë la aqane tro epuni a kötr. Wange hnyawa ju la aliene la sac de survie i epun. Mekune kö troa ami masque, me mani, me itre xaa ewekë ju kö. The thëthëhmine kö troa hamëne la numero i epun kowe la itre qatre thup, me xome fe la numero i angatr.—Isa 32:2; g17.5-F 3-7

E traqa ju gomegome ngöne la nöje i epun, the nue pi kö la itre hnei epun hna majemine ngöne la huliwa Iehova. (Fi 1:10) Tro hi a tro e kuhu trön e hna upi epun hnei mus. (Ma 10:16) Ce thawa jë memine la itre xan la itre kemej, me itre hnei epun hna hnëkën.—Ro 12:13.

GOEËNE JË LA VIDEO HNA HAPE, KA HNËKË KÖ EPUN KOWE LA ITRE HULÖ? NGE SA JË CAHU ITRE HNYING:

• Tune kaa la aqane xatua së hnei Iehova ngöne la itre ijine hulö?

• Nemene la aqane tro sa hnëkë kowe la itre hulö?

• Nemene la aqane tro sa xatuane la itre hna lep hnei hulö?