Nemene La Itre Hnëqa Göne La Itre Trejin Föe?

Tru catr la ixatua ne la itre trejin föe ngöne la huliwa ne la Baselaia. (Sa 68:11) Alanyimu catre la itre trejin föe ka ini Tus memine la itre atr. Tru catr la itre trejin föe ka xome la huliwa ne pionie lapa, me huliwa ngöne la itre Bethela, me mesinare, me ixatua ngöne la itre huliwa ne xupi uma me ujë qene hlapa. Hetre thangane catr la huliwa i angatr kowe la fami angatr me kowe la ekalesia. (Ed 14:1) Ngacama tha itre trejine föe kö a cilëne la itre hnëqa ne qatre thup me atre ixatua, ngo ijiji angatre troa xome la itre xaa hnëqa. Nemene hnëqa?

• Troa huliwane la itre thiina ka loi. —1Ti 3:11; 1Pe 3:3-6

• Troa xatuane la itre trejin föe ka tha macaje pala kö.—Tit 2:3-5

• Troa maca ngöne la huliwa ne cainöj me catre cainöj

• Troa inine la ketre qene hlapa

• Troa fek kowe la ketre götrane ka aja ixatua

• Troa nyialiene la pepa göne troa huliwa ngöne la Bethela maine huliwa ne xupi uma

• Troa nyialiene la pena göne troa sine la Ini Koi Itre Ka Cainöj

GOEËNE JË LA VIDEO HNA HAPE, “ITRE FÖE KA HULIWA CATR KOI IEHOVA,” NGE SA JË CAHU HNYING:

• Nemene la ini hnei epun hna xom qaathene la köni trejin föe?