Easenyi Hë La Iamele Qaathei Akötresie Me Keriso

Nemene la hnei eö hna isine e nöjei drai? Ketre kem eö ka tru hnëqan? Maine pena, eö casi pe hi me haa nekönatr, nge jol troa traqa koi pune treu? Maine pena, ka ini petre kö eö, nge kola huli eö hnene la itre sine ini eö? Maine pena, hetre meci eö, nge kolo pala hi a qatre trootro? Nyimu Keresiano ka melëne la itre jole celë. Ngo ame pe, atre hi së ka hape, easenyi hë matre patre pi la itre jole ce.—2Ko 4:16-18.

Ngo, kola akeukawanyi së la easa atre ka hape, Iehova a trotrohnine la itre jol hne së hna melën. Nge ka tru koi Nyidrë la aqane mele nyipici së me xomihni së. Nge tro kö Nyidrëti a amanathithi së. (Iere 29:11, 12) Nge ame fe Iesu, öhne hi nyidrë la itre hne së hna melën. Ase hë nyidrëti lo qaja ka hape, ce nyidrëti me easë ngöne la itre huliwa hne së hna kuca. (Ma 28:20) Ame la easa lapa mekun la mele së elanyi fene la Baselaia i Akötresie, easë hi lai a acatrene la mejiune së me catre xomihnine la itre jol ka traqa koi së.—Ro 8:19-21.

GOEËNE JË LA VIDEO HNA HAPE, CALEMI HË LA WENE, GOEË IESU JË!—ITRE MANATHITH KA XULU QAATHENE LA BASELAIA, NGE SA JË CAHU ITRE HNYING:

• Hnene la itre atr hna ananyi Akötresie tune kaa, nge nemene hë la pun?

• Tune kaa la mel elanyi kowe la itre ka mele nyipici koi Iehova?

• Nemene la ka aijijë së troa traqa kowe la mele cili?

• Nemene la itre manathith ngöne la fene ka hnyipixe hnei eö hna ajane catrën?