Loi e Tro Palahi Sa Huliwan La Itre Zonal

Qane lo 2018, casi hi la mekune hna ithanatan hnine la itre zonal thatraqane la ka alanyim. Itre eje lai e hnine la Jia Ne Cainöj. Celë hi matre tha tro kö sa cil troa huliwane itre ej ngöne la easa cainöj. Loi e tro fe sa xometrongëne la easa tro troa komisio, maine vakas. Tha hna kuca kö la itre zonal göi troa ini Tus memine la itre atr, ngo göne pe troa ahlëne la aja i angatr troa atre Iehova.

Maine epuni a ithanata me ketre atr, e jë koi angeic la ketre xötr ne la Tusi Hmitrötr, nge ce thawa jë me angeic la ketre mekun ka ej e hnine la zonal. E ka trene nekönatr, maine ka meci sineen, maine angeice pena a cile kowe la ketre jol, qaja jë koi angeic ka hape, “Hnenge hna öhne la ketre mekun ka lolo hnine la ketre itus ka ihmeku hnyawa memine la ka traqa koi epun. Epuni kö a ajane tro na amamane koi epun?” Maine epuni a öhne ka hape, tru la aja i angeic, hamëne pi koi angeic lai zonal, maine iupi fë jë pena jëne mail, ngacama epone hi a xötrei iöhny. Nyipici laka, tha easë kö a cainöje göne hi troa tro fë itus, ngo ame pe, itre ej a xatua së troa öhne la itre atr ka ajane troa trongëne la itre hnei angatr hna inin.—Hu 13:48.

2018

2019

2020