Wangatrune Jë La Imelekeu i Eö Me Iehova

Tha ka ceitu kö la itre Temoë Iehova me itre xan. Pine laka, itre ka bapataiso së, hetre imelekeu i easë hë me Iehova, Atre Ka Tru Trenge Men. Hnei Nyidrëti hna e së koi Nyidrë jëne Iesu. (Ine 6:44) Nge, Nyidrëti a dreng la itre thithi së.—Sa 34:15.

Tro sa wangatrune tune kaa la aqane imelekeu së me Akötresie? The tro pi kö sa nyitipune la angetre Isaraela. Thupene la hnei Iehova hna isisinyikeu me angatr, hnei angatr hna xup la neköi kau gool me thil kowe ej. (Es 32:7, 8; 1Ko 10:7, 11, 14) Loi e tro sa isa hnying ka hape: ‘Tune kaa ni la kola traqa la itupath? Kolo kö a mama ngöne la aqane ujëng laka, ka tru koi ni la aqane imelekeung me Iehova?’ Maine ka tru la ihnimi së kowe la Keme së Iehova, tro sa kötrene la itre ewekë hnei Nyidrëti hna xele ma wang.—Sa 97:10.

GOEËNE JË LA VIDEO HNA HAPE, WANGE PALA KÖ LA AQANE IMELEKEU I EÖ ME IEHOVA (KOS 3:5), NGE SA JË CAHU ITRE HNYING:

• Nemene la meciun?

• Pine nemene matre tha tro kö sa piin me thil koi idrola?

• Nemene la ka ceitu ngöne la kola nyixetë me thil koi idrola?

• Hnauëne laka, nyipiewekë tro la itre trejin ka trene hnëqa a nyipine la itre föi angatr?