MELE NE KERESIANO

Nemene Ini Hne Së Hna Kapa Qathene La Itre Keresiano Ka Macaj?

Ame ngöne la itre ekalesia së, hetre trejin ka hekö hë nyihlue i Iehova. Ka catr la mejiune i angatre koi Iehova, nge, tulu lai koi së. Hnyingëne jë koi angatr la aqane trongene la organizasio Iehova qane ekö, memine la aqane xatua angatr hnei Nyidrë matre troa cile kowe la itre jol. Hëne jë la ketre e angatre kowe la Hmi Ne La Fami epun matre troa ce ithanata me angeic.

Maine ketre keresiano ka macaj epun, qaja jë la lapaune i epun kowe la itre jeunes. Hnei Iakobo me Iosefa hna qaja la hnei nyidro hna melën kowe la itre matra i nyidro. (Ge 48:21, 22; 50:24, 25) Thupene lai, hnei Iehova hna upe la itre tixe ne lapa troa qaja la itre huliwa nyine haine i Nyidrë kowe la itre nekö i angatr. (De 4:9, 10; Sa 78:4-7) Ame enehila, loi e tro la itre kem me thine me itre atrene la ekalesia a qaja kowe la itre xötr ka co, la itre hnei Iehova hna kuca jëne la organizasio i Nyidrë.

GOEËNE JË LA VIDEO HNA HAPE, TROA CAS NGÖNE LA KOLA WATHEBONE LA HMI SË, THUPENE LAI, SA JË CAHU ITRE HNYING:

Hnene la Bethela ne Autriche hna xatuane tune ka la itre trejin ngöne la itre nöj hna wathebon la huliwa ne cainöj?
Nemene la ka xatuane la itre trejin ngöne la itre nöje cili, troa acatrene la lapaune i angatr?
Hnauëne laka, kola trotrij la organizasio Iehova hnene la itre trejin ne Roumanie, nge hnei angatr hna bëek hmaca tune ka?
Kola acatrene tune ka la lapaune i epun, hnene la tulu i angatr?

Iatr: Ka mama ngöne la video ‘Troa Cas Ngöne La Kola Wathebone La Hmi Së.’ 1. Ketre imap ka amamane la itre nöj hna wathebone la hmi së ngöne la götran kuë ne Europ. 2. Ketre machine miméographique. 3. Itre trejin qa Roumanie a ihaluth. — Thele jë la itre mekune ka sisitria thene la itre keresiano ka macaj!