Hnene La Ihnadro Hna “Ulume La Hneopegejë”

Qaane ekö, hnene la itre musi hna xatuane la nöje i Iehova. (Ezera 6:1-12; Esetera 8:10-13) Ame enehila, hne së hna öhne la “ihnadro,” ene la itre xaa igötranene la mus ka hetre inamacan, a ulume la “hneopegejë” ne iaxösisi ka qaathene “la drakona,” ene Satana Diabolo. (Hna ama. 12:16) Ijiji Iehova, “Akötesieti ne iamele,” troa upe la itre ka cilëne la mus matre troa amelene la itre hlue i Nyidrë.—Sal. 68:20; Ite edomë 21:1.

Ngo, tune kaa e hna akalabusi epun pine la lapaune i epun? The luelue kö laka, atre hi Iehova la ewekë ka traqa koi epun. (Gen. 39:21-23; Sal. 105:17-20) Ketre, tro Nyidrëti a amanathithine la aqane lapaune i epun, nge kola aegöcatrene la itre trejin e cailo fen hnene la aqane catre mele nyipici epun.—Fil. 1:12-14; Hna ama. 2:10.

GOEËNE JË LA VIDEO HNA NUE LA ITRE TREJIN NE CORÉE QA NGÖNE LA KALABUS, NGE SA JË CAHU ITRE HNYING:

• Pine nemene matre itre macatre ne akalabusine la itre thauzane lao trejin ne Corée du Sud?

• Nemene la hna amekötine ka aijijëne la itre xaa trejin troa lö pi qa kalabus?

• Nemene la aqane tro sa xatuane la itre trejin e cailo fen hna akalabusine pine la lapaune i angatr?

• Nemene la nyine tro sa kuca, e tha hane kö akalabusi së?

• Drei la ka aijijë së troa hune ngöne la itre hnakootr?