Tro La Thiina Ka Loi Me Metrötr a Ea La Föi Epun Kowe La Nyipici

Hnene la aqane ujë ne la itre föe ka atre la nyipici thupene la hna faipoipo, hna xatuane la itre föi angatr troa kapa la nyipici. Ngo eje hi laka, itre macatre hna pane xomi akötr. (1 Pet. 2:21-23; 3:1, 2) Maine kola akötrë epun, nge pëkö kepin, the cile kö troa të la ngazo hnei loi. (Rom. 12:21) Maine jë, tha pi drei epuni kö hnene la föi epun ngöne la epuni a qeje Iehova koi nyidrë. Ngo, tro la aqane ujë i epun a saze la aqane goeëne nyidrë la nyipici.

Thele jë troa waiewekë tune la föi epun. (Fil. 2:3, 4) Loi e tro epuni a utipin, me hnimi nyidrë, me kuca asë la hnei epuni hna atreine matre troa eatrëne la hnëqa i epun ngöne la hnalapa. Drei nyidrëti hnyawa ju! (Iako. 1:19) Loi e troa atreine itreqe, me amamane la ihnimi epun koi nyidrë. Ngacama tha nyidrëti kö a menyik me metrötrë epun, ngo the luelue kö laka, Iehova a wangatrune la aqane mele nyipici epun.—1 Pet. 2:19, 20.

GOEËNE JË LA VIDEO IEHOVA A XATUA SË TROA THUE LA EHNEFE SË, NGE SA JË CAHU ITRE HNYING:

• Tune kaa la mele i Grace ngöne la kola xötrei faipoipo?

• Nemene la ka ketri angeic?

• Nemene la aqane cile catr Trejin Li qëmekene la itre jol ka xulu thupene la kola xomi bapataiso?

• Nemene la aqane thithi sane Trejin Li la föi angeic?

• Nemene la itre manathithi hna kapa hnei Trejin Li pine la hnei angeic hna thiina ka loi me metrötr?