“Tha Kucakuca Kö Hun”

4:16-18

Pane mekune jë la lue hnepe lapa ka mele ngöne la ketre ibatima ka hekö, nge ka hnyeqetre hë. Ka hleuhleu la ketre hnepe lapa, nge ame la ketre ka madrin. Pine nemen? Pine laka, easenyi hë tro la hnaaluene hnepe lapa a feke qa cili a tro kowe la ketre uma ka mingöming.

Ngacama “kolo pala hi a ce awe la itre ewekë hna xup, nge uti pala hi enehila, itre ej a ce akötr,” hetre mejiune la itre hlue i Akötresie, nge celë hi ka xatua angatr. (Rom. 8:22) Nyipici laka, itre macatre ne xomihnine së la itre akötre ka ej the së. Ngo “tha cile palua kö . . . nge ka hmaloi hi” itre ej, e tro sa mekune la mele së ngöne la fene ka hnyipixe hna hnëkëne hnei Akötresie laka, ka epine palua. Maine tro sa lapa mekune la itre manathithi hne së hna troa kapa elanyi fene la Baselaia, tro hë sa madrin, nge tha tro kö sa kucakuca.