Hnei Iesu Hna Meci Fe Kowe La Trejin Me Eö

Hnei Iesu hna huujëne la mele i nyidrë kowe la itre atr ka ngazo. (Ro 5:8) Hnei Iesu hna nue la mele i nyidrëti koi së, matre atraqatr la hni ne ole së kowe la ihnimi nyidrë. Ngo tha tro pi kö sa thëthëhmine laka, hnei Keriso fe hna mec thatraqane la itre trejine me easë. Tro sa amamane tune kaa la ihnimi së kowe la itre trejin, itre ka tria tui së fe? Tro sa ce wang la köni ewekë nyine tro sa kuca. Ame la hnapan, tro sa thele troa nyisineene la itre atr ka isapengöne kö me easë. (Ro 15:7; 2Ko 6:12, 13) Ame la hnaaluen, loi e tro sa thupëne matre tha tro kö sa qaja maine kuca la ketre ewekë ka troa akötrë itre xan. (Ro 14:13-15) Ame la hnaakönin, e traqa ju ngazo koi së hnei ketre, loi tro sa canga nue la ngazo i angeic. (Lu 17:3, 4; 23:34) Maine tro sa huliwa catr matre troa nyitipu Iesu tune lai, eje hi laka, tro Iehova a amanathithine la ekalesia, hnene la tingeting me cas.

GOEËNE JË LA VIDEO HNA HAPE, EPI LOLO PALAHI LA ITRE HNI NYIPUNIE! NGE THUPENE LAI, SA JË LA ITRE HNYINGE CELË:

• 

  Ame ngöne la qaan, tune kaa lo aqane goeëne Miki la ekalesia i angeic ka hnyipixe?

• 

  Pine nemene matre saze pi la aqane goeëne i angeic?

• 

  Hnene la tulu i Iesu hna xatua Miki tune kaa troa amekötine la aqane waiewekë i angeic? (Mrk 14:38)

• 

  Nemene la aqane xatua së hnene la tusi Ite Edomë 19:11 matre tro sa goeën aloine la itre trejin?