Nemene La Aqane Troa Xötrethenge Iesu?

9:62

Maine aja ne la atr ka ujë dro troa meköt la itre xötre iumany, tha tro pi kö angeic a xei hutrö, wanga ajolë angeice jë. Ceitune hi lai memine la ketre keresiano laka, tha tro pi kö angeic a nue la itre ewekë ne fen hnei angeice hë hna trotrije troa ajolë angeic.—Fi 3:13.

Ame la easa cile kowe la itre jol, canga tro hi sa mekune hmaca lo mele së hnapan, qëmekene tro sa atre la nyipici. Nge, tro pena sa goeën atrun menune palaha lo itre ewekë ka amadrinë së ekö, hune lo itre jole së. Celë hi ewekë lai ka traqa koi angetre Isaraela, thupene lo angatr a fek qa Aigupito. (Nu 11:5, 6) Maine tro sa hnehene la itre mekune cili, tro ha huli së kowe lo mele së hnapan. Loi e tro pe sa mekune la itre manathith hne së hna kapa enehila, me lapa goeën la itre ewekë ka troa amadrinë së elany fene la Baselaia!—2Ko 4:16-18.