Xatuane Jë La Itre Nekönatr Troa Xötrethenge Iesu

Ketre madrine ka tru kowe la kem me thin, troa goeëne la neköi nyidroti a ‘xele angeice kö, me thue la ehnefe i angeic, me xötrethenge’ Iesu. (Mrk 8:34; 3In 4) Nemene la nyine tro la kem me thin a kuca, matre troa xatuane la neköi nyidro troa xötrethenge Iesu, me sa xepu koi Iehova me xomi bapataiso?

E jë la tane mekun hna hape, “Ithuemacanyi Kowe La Keme Me Thin Ka Nyihlue i Iehova” ngöne la götrane 165-166 ne la itus, Organizasio Ka Kuca La Aja i Iehova. Thupene lai, sa jë cahu itre hnying:

1. Nemene la pengöne la atre hna inin maine atre dreng?

2. Nemene la itre ini nyine tro la itre kem me thin a hamën kowe la itre nekönatr?

3. Ngacama ka tru maine ka co la nekönatr, ngo nemene la aqane tro la itre xötre cahu a xatua nyën troa xomi bapataiso?

   • Kos 3:20

   • Lu 2:46

   • Sa 122:1

   • Ma 4:4

   • Ma 6:33

   • 1Ko 15:33