Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la kola troa sine la ini Ne Cainöj Qaathei Akötresie, e 31 Ogas 2015.
Nemene la itre ithuemacany ka nyipici nge ka acatrene la lapaune së, hna hamën hnei Solomona ngöne la thithi nyidrë? Nge tune ka la aqane tro sa sine thele la itre ithuemacanyi cili me kepe thangane qa ngön? (1 Ite Jo. 8:22-24, 28) [6 Julai, w05 1/7 g. 30 par. 3]
Nemene la aqane hamë trengecatre së hnene la tulu i Davita, laka, ka tro nyidrë cememine “la hni ka pexej”? (1 Ite Jo. 9:4) [13 Julai, w12 15/11 g. 7 par. 18-19]
Nemene la ini ka tru hne së hna xome qa ngöne laka, hnei Iehova hna upi Elia kowe la sine föe ne Sarepeta? (1 Ite Jo. 17:8-14) [27 Julai, w14 15/2 g. 14]
Nemene la aqane tro sa sine thele hnyawa la tusi 1 Ite joxu 17:10-16, matre troa acatrene la aqane tro sa mejiune koi Iehova? [27 Julai, w14 15/2 g. 13-15]
Nemene la aqane tro sa xomi ini qa ngöne la ceitune i Elia, ngöne lo nyidrëti a kucakuca? (1 Ite Jo. 19:4) [3 Ogas, ia g. 102-103 par. 10-12; w14 15/3 g. 15 par. 15-16]
Nemene la aqane ujë i Iehova ngöne la Nyidrëti a öhnyi Elia perofeta e kucakuca, nge tune ka la aqane tro sa xome la tulu ne la Akötresi së ka ihnim? (1 Ite Jo. 19:7, 8) [3 Ogas, w14 15/6 g. 27 par. 15-16]
Nemene la engazone la aqane waiewekë i Ahaba Joxu, nge nemene la aqane tro la itre Keresiano enehila a neëne la mekune ka tria cili? [10 Ogas, lv g. 164-165, itre hna eköhagen; w14 1/2 g. 14 par. 3-4]
Ame ngöne la easa kapa la ketre hnëqa ka hnyipixe ngöne la huliwa ne Baselaia, nemene la ini hne së hna troa xome qa ngöne la sipo i Elisaia koi Elia? (2 Ite Jo. 2:9, 10) [17 Ogas, w03 1/11 g. 31 par. 5-6]
Nemene la aqane tro la itre thöthi a nyitipune la lapaune me trengecatre ne la nekö jajinyi ne Isaraela hna qaja ngöne la 2 Ite Joxu 5:1-3? [24 Ogas, w12 15/2 g. 12-13 par. 11]
Nemene la itre thiina i Iehu nyine tro la itre hlue i Iehova a hane xom, matre troa melëne ngöne la hneijine la pun? (2 Ite Jo. 10:16) [31 Ogas, w11 15/11 g. 5 par. 4]