Ketre Jëne Troa Nyiqaane Ini Tusi Hmitrötr

Ala nyimu pi hë la itre atr ka goeëne lo neköi video ngöne jw.org, lo hna hape Hnauëne La Troa Inine La Tusi Hmitrötr?. Hna kuca lai video matre troa thuecatrene la itre atr troa hane ini Tusi Hmitrötr. Ijije tro angatr a tro kowe lo hna hape “Sipone Jë Troa Hane Ini Tusi Hmitrötr,” e kuhu pune lo götrane hna hape “Lö Jë,” maine pena troa scanner lo code QR (quick response), e cili tröne lo itre tarak ka hnyipixe. Hane hi la itre xa aqane troa huliwane lai video.

• Ame la easa bëeke troa wange hmaca la ketre atr, qaja jë ka hape: “Eni a pi amamai epuni la neköi video ka amamane la aqane sa hnei Tusi Hmitrötr la itre hnyinge së.” Maine angeic a ajan, amamane jë koi angeic jëne la mobilis i nyipunie, maine tablet, maine jëne la ordinatöre i angeice pena.

• Maine hetre tarak ka hnyipixe hnei nyipunie hna hamëne kowe la ketre atr e cahu hnei nyipunieti hna tro, amamane ju fe koi angeic lo code QR, nge upi angeice jë, e ajane hi angeic, troa scanner lai code cili. Ijije tro nyipunie a goeëne la video cili ngöne la sipu tablete i nyipunie maine ordinatör pena, pine laka, ame la easa scanner lai code QR, tre canga mama pi hi koi së lo sit Ëternet.

• Hane ju qaja kowe la itre sine huliwa i nyipunie, me itre sine ini, me itre sinee, me itre xa atr ju kö hnei nyipunie hna atre, nge amamai angatre ju fe. Maine nyipunieti a iupi fë e-mail koi ketre, hane ju iupi fë lai video, nge qaja ju koi angatr troa hane goeën.

Maine tro sa trongëne la itre hna amekötine celë ka hnyipixe, tro ha tru la etrune la itre atr hne së hna nyiqaane ini Tusi memin, me xatuane troa ‘hnëkë kowe la mele ka tha ase palua kö.’—Ite hu. 13:48.