“Eni a Traqa Troa Wai Epun Ke . . .”

Ame la kola fe qëhnelö hnene la atrekë hnalapan, me öhnyi së e cil, tre tro hi angeice lai a thele la aliene la traqa së. Ngo nemene jë la itre nyine troa canga qaja matre tha tro kö lai atr a seseu? Ame la itre xa ka cainöj, tre hnei angatre hna canga qaja la aliene la traqa i angatr, thupene jë la hna ibozu memine lai atr. Hane hi la ketre aqane qaja i angatr: “Eahuni a traqa troa wai epuni ke önine la itre xa atr ka hape, angatr a hnehengazone la aqane elë nyimenyime la ngazo. Nemene fe la mekuna i epun . . . ” Maine pena öni angatr, “Eni a traqa troa wai epun ke eni a ajane troa ce ini Tusi Hmitrötr me epun, nge pëkö thupen.” Maine tro sa canga qaja kowe la atrekë hnalapan la aliene la traqa së, maine jë tro ha hmala la hni angeice troa drenge la mekune hne së hna troa qaja.