“Itre Mekune Nyine Ixatua Tro Fë La Itre Zonale Ne . . .”

Ame ngöne la nöjei treu, hne së hna majemine ithanatane lo itre zonale së ngöne la easa sine lo Icasikeu Ne La Huliwa. Ngo tha easa kö a ithanatane la aliene la itre zonale cili, easë pe a ithanatane la aqane tro sa tro fë. Celë hi matre ame la trejine ka cilëne la hnëqa celë, tre tro angeic a canga amexeje jë hi la itre xa ithanata nyine troa qaja, matre tro la itre atr a ajane troa e la sine tusi së, thenge lo itre hna amekötin. Thupene jë hi lai, troa sipone kowe la itre trejine troa hane qaja la tane mekune hnei angatr hna iëne troa ithanatane memine la itre atr, matre tro fe a aijijë itre xa trejine troa atre la itre xa pengöne aqane tro fë zonal. Ngo tha tro kö a qaja asë hi la itre ithanata hna troa hamëne kowe la itre atr; tro pe la atre cilëne la hnëqa celë, a sipone kowe la iatrene la icasikeu troa qaja la aqane troa hnyinge kowe la itre atr, me nango qeje pengöne lai zonal, me qaja fe la mekene tusi hna troa fe kowe lai atr. Ase jë hi lai, tro ha sipone troa iamacanyine la aqane troa tro fë la lue zonal. Qa ngöne lai, epi tro sa canga e la itre zonal qëmekene troa ce ithanatan, matre tro fe sa hane isa qeje mekun. Maine tro asë hi sa kuca tune lai, tro hë sa itö ithuecatrekeu matre tro pala hi sa maca ngöne la huliwa celë.—Ite edomë 27:17.