Ithuemacany

◼ Itre itusi nyine troa tro fë e Julai Me Ogas: Troa tro fë la itre boroshüre ka 32 lao götran: [Hane cahu hna e wengën.] Ame la easa wange hmaca la ketre atr, tro sa tro fë la itus Ini Tusi Hmitrötr, maine pena lo boroshüre hna hape, Drei Akötresieti Jë Matre Mele Epine Palua, me thele troa inine la Tusi Hmitrötre me angeic. Nemene La Pengö Së Ngöne La Easë a Mec?; E Meci Hë La Atr Hne Së Hna Hnim; Itre Ua Ne La Itre Ka Meci Hë−Hapeu, Atreine Kö Angatre Troa Xatua Epu, Maine Troa Akötrë Epuni Pena? Ketre, Itre Ka Mele Kö Angatr? Semitrepa Me Okotropa: Troa tro fë la itre zonal La Tour de Garde me Réveillez-vous ! Ame la easa wange hmaca la ketre atr, tro sa tro fë la itus Ini Tusi Hmitrötr, maine kola mama laka ka nyipi ewekë kö kowe la atr la boroshür Drei Akötresieti jë Matre Mele Epine Palua, tupathe jë troa nyiqaane inine la Tusi Hmitrötre me angeic.

◼ Tro ha eje e hnine la site Ëternet jw.org Nyima Koi Iehova—Trenge Ewekën, Disk 5, nge qaane e 1 Ogas ijije hë tro sa hane xome eje qa ngön. Tro eje a mama qene Papale ngöne la xötrei, nge tro pë hë a mama thupene ngöne la itre xaa qene hlapa. Ijije hi troa komadëne la itre CD nyine drenge jëne la ekalesia. Pine laka co catre kö la thupen e troa xome qa ngöne ëternet hune la troa kuca la itre CD, haawe, e ijije hi, xome jë qa hnine la ëternet la itre nyima. Hetrenyi fe hë lo itre disk 1-4.

◼ Maine jë troa saze la porogarame ne la itre icasikeu qëmekene la wiike ne la kovasio ne distrike i epun, matre troa wange hmaca la itre eamo me itre nyine amekunëne göi troa sine la kovasio. Cas maine lue treu thupene la hna kovasio, tro hmaca a amexeje la itre mekun qa ngöne la kovasio, ngöne la kola kuca lo itre ihaji koi së, ka troa xatuane la itre trejin ngöne la huliwa ne cainöj.

◼ Nyimutre la itre hlue i Iehova ka öhnyi madrine qa ngöne la hnei angatre hna ce vizitëne la Bethela. Ijije fe kö tro epuni a hane eköthe amë la ketre ijine matre troa hane kuca tune lai? Maine eje hi, hane hi la itre xaa nyine amekunëne ka lolo nyine troa pane ce wang:

· Ame asë hi la itre Bethela, tre hna fe asë hi qaane e Thupene Hmi uti hë e Drai Ka Tru, qaane e 8 h koi 11 h e hmakanyi nge qaane e 1 h koi 4 h e hnaipajö.

· Thuemacane ju la Bethela jëne telefon, ca wiike qëmekene la traqa i epun, nge qaja ju fe la etrune la itre atr, memine fe la ekalesia i epun. (numero nyine troa hë: 43 75 00).

· Kola qaja hnene la itus Organisés, la enyipiewekëne la troa nyihnyawane la ngönetrei së, me aqane heetre së, me aqane iseji së, ngöne la easë a troa cainöje trootro, me sine la itre icasikeu i keresiano. Thupene lai, ngöne la götrane 138 kola qaja ka hape: “Loi e troa tune lai la thiina së, ngöne la easë a vizitëne la Bethela ne la ketre nöj. Ketre, loi e eje pala hi ngöne la itre mekune së laka, ame la Bethela, kola hape, ‘Uma i Akötresie;’ qa ngöne lai, loi e tro sa heetre me iseji me ujë ceitune me easë a troa sine la itre icasikeu me hmi ngöne la Uma Ne Baselaia.”

· Eje hi laka tro ha kepe nyipunie hnyawa, nge tro hë epuni a kapa la itre manathith ka tru ngöne la ua qa ngöne la hnei epuni hna vizitëne la Bethela.