Ithuemacany

◼ Eiperem Me Mei: Troa tro fë la lue zonale La Tour de Garde me Réveillez-vous ! Maine hetre hni ne ajane ketre, hamëne jë la tarak Ajane Kö Nyipunieti Troa Atre La Nyipici? nge thele jë troa nyiqaane inine la Tusi Hmitrötr me angeic. Ame ngöne la easa troa wange hmaca la itre ka nanazij memine la itre xa atr ka hane sine la Drai Ne Amekunën me itre xa icasikeu ka tru, thele jë së troa inine la Tusi Hmitrötre me angatre jëne la itus Ini Tusi Hmitrötr. Juun: Troa tro fë la itus Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötre memine la itre atr ngöne la kola xötrei ithanata me angatr. Maine hetrenyi hë la itusi cili thene la atrene la hnalapa nge xele angeice ma inine la Tusi Hmitrötr, hawe, loi e tro la itre ka cainöje a hamëne la ketre zonale hne së hna kapa ha, maine pena, ketre boroshüre ka ihmeku hnyawa memine la itre aja i angeic. Julai Me Ogas: Troa tro fë la itre boroshüre ka 32 lao götran: Ame la easa wange hmaca la ketre atr, tro sa tro fë la itus Ini Tusi Hmitrötr, maine pena la boroshüre hna hape, Drei Akötresieti Jë Matre Mele Epine Palua, me thele troa inine la Tusi Hmitrötre me angeic. Nemene La Pengö Së Ngöne La Easë a Mec?; E Meci Hë La Atr Hne Së Hna Hnim; Itre Ua Ne La Itre Ka Meci Hë−Hapeu, Atreine Kö Angatre Troa Xatua Epu, Maine Troa Akötrë Epuni Pena? Ketre, Itre Ka Mele Kö Angatr?

◼ Maine epuni a troa tro kowe la ketre nöj, nge epuni a ajane troa hane sine la ketre asabele ne distrik, hawe, ijije hi tro epuni a öhne la itre ithuemacanyi ka ijij ngöne la site ne la Sasaiatri, lo hna hape, jw.org. Ame ngöne la götrane hna hape, “Consultation,” huje ju la hnëewekë “Assemblées.”