Kola Wanga Atrune La Hmi Ne La Hnepe Lapa Hnene La Idrai, Ene Lo Calendrier 2011
Ame la taane la Calendrier des Témoins de Jéhovah 2011 (Idrai ne la Itretre Anyipicine i Iehova), tre, ene la Hmi Ne La Hnepe Lapa. Kola amamane hnene la idrai celë, la itre hnepe lapa ne la hneijine së enehila memine la itre hnepe lapa ne lo hneijine ekö. Eje mina fe a amamane la itre trefën me itre hlue i Iehova ka lapa caas, kola inine la Wesi Ula i Nyidrë.
Ame la itre atr hna qeje pengöne hnei Tusi Hmitrötr, nge ka mama ngöne la idrai, tre, kolo itre ka hnine la wathebo i Iehova, nge celë hi la ka xatua angatre troa cile kowe la itre itupath. (Sal. 1:2, 3) Maine tro sa waipengöne hnyawa la itre iatr cili, tro ha amekunë së la enyipiewekëne la Hmi Ne La Hnepe Lapa, ketre fami ka tru ju hë së maine ka co, nge ka hmi asë ju hë së maine easë caasi hi. Hna nue la ketre götrane ngöne la idrai, matre tro epuni a cinyanyine la drai hnei epuni hna sa thatraqane la Hmi Ne La Hnepe Lapa i epun. Hapeu, hnei epuni kö hna nyialiene la götrane cili?