Itre Hna Amekötiin

◼ Itre itus nyine troa tro fë ngöne la treu Semitrepa: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr memine la itre atr ngöne la xötrei. Okotropa: Troa tro fë la itre zonal La Tour de Garde me Réveillez-vous ! Maine hetre hni ne ajane thene lai atr, hamëne jë la tarak Ajane Kö Nyipunie Troa Atre La Nyipici? nge thele jë troa nyiqaane inine la Tusi Hmitrötr me angeic. Nofeba: Troa tro fë la itre boroshür celë: La Bible — Quel est son message ?, me Itre ua ne la itre ka meci hë—Hapeu, Atreine Kö Angatre Troa Xatua Epun, Maine Troa Akötrë Epuni Pena? Ketre, Itre Ka Mele Kö Angatr?, me Nemene La Pengö Së Ngöne La Easë a Mec? Maine pena la ketre boroshür hna xeen hnine la ekalesia. Diseba: Tro fë jë la itus Atr Ka Tru Ne La Fene Hnengödrai. Maine hetre nekö i angatr, hamëne jë la itus Trenge Edromë Qa Hnin La Tusi Hmitrötr.

◼ Ame la cainöj ka ketre pengön koi nöjei atr hna hnëkën thatraqane la hneijine ne la Drai Ne Amekunën 2011, tre, troa cile fë ngöne la wiike ne 25 Eiperem 2011. Ame la taan ne la cainöj, tre, tro pë hë a ithuemacanyine e thupen. Ame koi itre ekalesia hna wange hnene la qatre thupe ka iwai trootro maine ka asabele pena ngöne lai mecixen me sabathi cili, tre, tro pë hë angatr a drenge la cainöj ngöne la wiike thupen. Thaa tro kö a cile fë la cainöj ka ketre pengöne kö qëmekene la 25 Eiperem.

◼ Qaane la 14 Maac 2011 me wiike cili, kola troa ce wange ngöne la Ini Tusi Hmitrötr Ne La Ekalesia la itus ‘ Rends pleinement témoignage au sujet du Royaume de Dieu ’. Loi e tro la itre ekalesia ka ajane la itre itusi cili a canga komadën itre ej.

◼ Kola ithuemacanyi kowe la itre thöthi asë, trahmanyi maine jajinyi ka 16 lao macatre, laka maine nationalité française angatr, ke, loi e tro angatr a tro kowe la lameri ne la nöje i angatr matre troa hane numera angatr. Troa canga tro troa kuca la hna amekötine cili, me mekune hnyawa laka hnëqa ne la Keresiano lai, nge hatrene fe la metrötre angeic kowe la itre mus.