Revizio Ne La Ini Ne Cainöj Qaathei Akötresie

Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 28 Juun 2010 me wiike cili. Troa xom hnene la atre thupën la ini la 20 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 3 Mei uti hë e 28 Juun 2010.

1. Nemene la ini hne së hna kapa qa ngöne la aqane treije pi Abinera hnei Davita? (2 Sam. 3:31-34) [w05 15/5 g. 17 par. 5; w06 15/7 g. 21 par. 9-10]

2. Nemene la ngazo hna kuca hnei Nathana, nge pine nemene matre thaa hnei Iehova kö hna thipetriji angeic? (2 Sam. 7:3) [rs g. 153 par. 9]

3. Hna eatre tune kaa la trenge ewekë ngöne 2 Samuela 7:14? [it-1 g. 554 par. 5; it-1 g. 279 par. 3]

4. Nemene la itre huliwa hnei Davita hna kuca koi Mefibosheth ka amamane la thiina ka lolo i angeic, nge nemene la thangane lai the së? (2 Sam. 9:7) [w02 15/5 g. 19 par. 5]

5. Nemene la itre ini hne së hna kapa qa ngöne la aqane imelekeu i Itai Atre Gatha me Davita Joxu? (2 Sam. 15:19-22) [w09 15/5 g. 27-28]

6. Tro sa amamane tune kaa jëne la Tusi Hmitrötr, laka, hnei Ziba hna sili trengathoi Mefibosheth? (2 Sam. 16:1-4) [w02 15/2 g. 15 par. 11, ith.]

7. Pine nemene matre kola upi Kimeama hnei Bazilai ketre atr ka 80 lao macatre, troa ketre atrene la uma i Davita, ngo hna sipo nyidrëti hi? (2 Sam. 19:33-37) [w07 1/6 g. 24 par. 13]

8. Tune kaa la aqane atrunyi Davita hnene la hni ka ipië i Iehova? (2 Sam. 22:36) [w07 1/11 g. 5 par. 2; w04 1/11 g. 29]

9. Pine nemene matre hnei Adonia hna thele troa thapa la theron, nge mele pala kö Davita? (1 Ite jo. 1:5) [w05 1/7 g. 28 par. 5]

10. Pine nemene matre hnei Iehova hna kapa la thithi Solomona, ene la troa hetre inamacane me atrehmekun? (1 Ite jo. 3:9) [w05 1/7 g. 30 par. 2]