Itre Hna Amekötiin

◼ Itre itus nyine troa tro fë ngöne la treu Okotropa: Troa tro fë la itus Atr Ka Tru maine pena la lue zonale La Tour de Garde me Réveillez-vous ! Maine hetre hni ne ajane thene lai atr, hamëne jë la tarak Ajane Kö Nyipunie Troa Atre Hnyawa La Tusi Hmitrötr? Thele jë troa nyiqaane inine la Tusi Hmitrötre me angeic. Maine hetrenyi hë la itre atr lai tarak, haawe, thele jë troa nyiqaane ini tus me angatr. Nofeba: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr memine la itre atr. Diseba: Tro fë jë la itus Atr Ka Tru Ne La Fene Hnengödrai. Maine hetre nekö i angatr, hamëne jë la itus Trenge Edromë Qa Hnin La Tusi Hmitrötr. Januare: Atrehmekune maine Nemene La Nyipi Ini Hna Hamën Hnei Tusi Hmitrötr?

◼ Thaa tro hmaca kö a hamëne la porogaram ne la Ini Ne Cainöj Qaathei Akötresie ne la macatre, nyine sinetrongene la Huliwa Ne Baselaia. Ngo tro hë la itre ekalesia, itre ej isa ala caasi a kapa la porogarame cili, nge tro ha afedrene mina fe la ketre ngöne la tablo e hnine la Uma ne Baselaia. Tro mina fe la atre thupëne la ini a kapa la porogarame cili matre troa kuca la itre hnëqa thatraqane la ini. Ame kowe la itretre cainöj, tro pala hi angatr a kapa ngöne la nöjei treu la Huliwa Ne Baselaia ka amamane lo porogaram ne la wiik ne la Ini Tusi Hmitrötr Ne La Ekalesia, me Ini Ne Cainöj Qaathei Akötresie, memine la Icasikeu Ne La Huliwa.

◼ Qaane la 1 Maac 2010 me wiike cili, kola troa ce wange ngöne la Ini Tusi Hmitrötr Ne La Ekalesia la itus “Viens, suis-moi.” Loi e tro la itre ekalesia ka ajane la itre itusi cili a canga komadën itre ej.