Itre Hna Amekötiin

◼ Itre itus nyine troa tro fë ngöne la treu Juun: Tro fë jë la itus Atrehmekune, maine pena la itus Thili Jë Kowe La Akötresie. Julai Me Ogas: Troa tro fë la itre borochür Veillez ! me Hapeu Akötresie a Hane Kukehni Së? me Nemene La Pengö Së Ngöne La Easë a Mec? Semitrepa: Troa tro fë la itus La Fami maine pena Nemene La Nyipi Ini Hna Hamën Hnei Tusi Hmitrötr? Loi e tro la itre ka cainöj a catre thele troa nyiqaane inine la Tusi Hmitrötr memine la itre atr hna hamëne hë la itus, ngöne lo kola xötrei traqa. Amamane jë koi angatr la aqane tro angatr a kepe thangane ka loi qa ngöne la hna inine la itusi cili.

◼ Maine epuni a mekune troa ngenu ngöne la ketre nöj, laka, thaa hna hane kö cinyihane la ëjene la nöje cili ngöne la rapor ne hna cainöj ngöne la macatre ka ase hë, maine pena ngöne la götrane tixenuë ne la Annuaire hna kapa pinën, haawe, loi e tro epuni a hëne la Bethela, matre troa atre la itre hna amekötin ka sisitria catr nyine tro epuni a trongën. Maine jë nango jole troa kuca la huliwa ne la Baselaia ngöne la nöje cili. (Mat. 10:16) Nyipici, ame ngöne la itre xaa nöj, tre, thaa ka loi kö e tro la itre atr ka ihamë ngöne la itre nöje cili, a thele troa ithanata memine la Itretre Anyipicine i Iehova, maine memine pena la itre ekalesia. Celë hi matre hetrenyi la itre xaa hna amekötin, hna troa hamë epuni göne la troa cainöj e cahu gojenyi maine pena göne la troa tro fë la itre itus. Maine tro epuni a ce huliwa me drengethenge la itre hna amekötine celë, haawe, ijije hi troa neëne wanga troa traqa la itre jole koi epuni me kowe mina fe la huliwa ne Baselaia.—1 Kor. 14:33, 40.